പുതിയ സ്മാര്‍ട്ഫോണുമായി വിഡിയോ കോണും മൊബൈല്‍ വിപണിയില്‍ ചുവടുറപ്പിക്കുകയാണ്. ഇന്‍ഫിനിയം പരമ്ബരയില്‍ വരുന്ന ഇസഡ് 50 ക്വാഡ് എന്ന സ്മാര്‍ട് ഫോണാണ് വിഡിയോകോണ്‍ പുതുതായി വിപണിയിലെത്തിച്ചിരിക്കുന്നത്. അഞ്ച് ഇഞ്ച് വരുന്ന ഹൈ ഡെഫിനിഷന്‍ ക്വാളിറ്റിയിലുള്ള ഡിസ്പ്ലെ, 5 എം.പി ഓട്ടോ ഫോക്കസുള്ള എല്‍.ഇ.ഡി ഫ്ലാഷോടു കൂടിയ പിന്‍കാമറ, 2 എം.പിയിലുള്ള മുന്‍കാമറ തുടങ്ങി നിരവധി സവിശേഷതകളുമായാണ് വിഡിയോകോണ്‍ ഇസഡ് 50യെ രംഗത്തിറക്കുന്നത്. 1.3 ജി ഹെഡ്സിലുള്ള ക്വാഡ് കോര്‍ പ്രൊസസ്സര്‍, 1 ജി.ബി റാം എന്നിവയാണ് ഈ ഫോണിന്റെ പ്രധാന പ്രത്യേകതയായി കമ്ബനി ഉയര്‍ത്തിക്കാട്ടുന്നത്. ആന്‍ഡ്രോയിഡ് 4.4.2 കിറ്റ്കറ്റ് ഓപ്പറേറ്റിങ് സിസ്റ്റമാണ് ഈ ഫോണില്‍ ഉപയോഗിച്ചിരിക്കുന്നത്. 8 ജി.ബി ഇന്റേണല്‍ മെമ്മറിയാണ് ഈ സ്മാര്‍ട്ഫോണിനുള്ളത്. ഇത് 32 ജി.ബി വരെ വര്‍ദ്ധിപ്പിക്കാനും സാധിക്കും. 1900 എംഎഎച് പവര്‍ ഉളള ബാറ്ററിയാണ് ഫോണില്‍ ഉപയോഗിച്ചിരിക്കുന്നത്. രണ്ട് സിം ഉപയോഗിക്കാവുന്ന സ്മാര്‍ട് ഫോണില്‍ വൈ-ഫൈ, ബ്ലൂ ടൂത്ത്, ജിപിഎസ് എന്നീ പതിവ് സൌകര്യങ്ങളും ഉള്ളതായി കമ്ബനി അറിയിച്ചു. വി-സെക്യുര്‍, വി-സെയ്ഫ്,ഹംഗാമ, ഫണ്‍ സോണ്‍, ജിടി റെയ്സിങ് 2, മോഡേണ്‍ കോമ്ബാറ്റ് 4 എന്നീ പ്രിലോഡഡ് അപ്ലിക്കേഷനുകളും ഫോണില്‍ ലഭ്യമാക്കും. വെള്ള, കറുപ്പ് എന്നീ നിറങ്ങളിലാണ് ഫോണുകള്‍ പുറത്തിറക്കുന്നത്.